Սիթի օֆ Սմայլ

2,321,370 AMD / 29,250,000 AMD

Փրկենք Դավիթի կյանքը

Նախագծի մասին

1-ամյա Դավիթը շտապ ունի բոլորիս օգնության կարիքը քաղցկեղի դեմ իր պայքարում: 2024 թվականի հունիսին, երբ Դավիթն ընդամենը 6 ամսական էր, մայրիկը, նրա որովայնի շրջանում փքվածություն նկատելով, անմիջապես դիմեց բժշկի: Արդյունքում երեխայի մոտ հաստատվեց քաղցկեղ` նեյրոբլաստոմա: Այդ օրվանից ի վեր` Դավիթը, Սիթի օֆ Սմայլ հիմնադրամի ֆինանսավորմամբ, բուժում է ստանում Հայաստանի մանկական քաղցկեղի և արյան հիվանդությունների կենտրոնում`: Դավիթը Արցախից տեղահանված իր ընտանիքի միակ երեխան է: Նրա մայրիկը հղի էր, երբ Արցախում սկսվեց բռնի տեղահանումը, և ընտանիքը ստիպված եղավ լքել իրենց տունը Ստեփանակերտում: 2023 թվականի դեկտեմբերին Դավիթը ծնվեց Երևանում: Մեկ տարի տևած շարունակական բուժումների` վիրահատության, քիմիաթերապիաների, աուտոփոխպատվաստման, պրոտոնային թերապիայի և պահպանողական բուժման արդյունքում`երեխայի մոտ այժմ գրանցվել է հիվանդության ժամանակավոր նահանջ, որն ամրապնդելու և լիարժեք ապաքինման հասնելու համար Դավիթին անհրաժեշտ է ստանալ իմունոթերապիա՝ 10 սրվակ (1 սրվակը՝ 20 մգ) Dinutuxumab beta։ Դեղորայքի ձեռքբերման համար պահանջվող գումարը կազմում է մոտ 29․250․000 դրամ։ Խնդրում ենք աջակցել Դավիթին՝ կատարելով նվիրատվություններ, որպեսզի կարողանանք հնարավորինս շուտ ձեռք բերել այս կենսական նշանակության դեղորայքը և հնարավորություն տալ Դավիթին պայքարել: Միասին կարող ենք փրկել Դավիթի կյանքը: ❤️